Ўзбекистон-Япония 1:1. Дуранг - адолатлими? + VIDEO
00:16
Ўзбекистон-Япония 1:1. Дуранг - адолатлими?
Ўзбекистон терма жамоаси ғалаба қозонишни жуда ҳам истаганди, мухлислар исташганди, биз истагандик, барча-барча истаганди. Терма жамоамиз кучли рақиб билан кучли ўйин кўрсатди. Балки озгина омад кулиб боққанида, Темур ва Сервер совуққонроқ ҳаракат қилишганида ғалаба биз томонида ҳам бўлиши мумкин эди.
Игнатга раҳмат! Балли! Назаримизда дуранг натижа адолатли бўлди. Нима бўлган тақдирда ҳам гуруҳ пешқадамлигини ўзимизда сақлаб қолдик. Энди бўшашишга ҳаққимиз.
Алберто Заккерони: Ўзбекистон кутганимиздан яхшироқ ўйнади
Ўзбекистон ва Япония терма жамоалари ўртасидаги ЖЧ саралаш баҳсидан сўнг ўтказилган матбуот анжуманига дастлаб "кунчиқар юрт" терма жамоаси бош мураббийи Алберто Заккерони ташриф буюрди.
- Ўйин биз учун кутганимиздан ҳам қийин бўлди. Ўзбекистон терма жамоаси Осиёдаги кучли жамоалардан бири ҳисобланади. Мезбонлар бугун яхши ўйин кўрсатишди. Айниқса, биринчи бўлимда ўзбекистонликлар бизга нисбатан яхши ўйнаб, кўпроқ ҳужум уюштиришди. Иккинчи бўлимда эса биз ўйинни кучайтирдик ва ҳисобни тенглаштирдик. Умуман олганда, Ўзбекистон биз кутгандан ҳам яхшироқ ўйнади ва биз бугун анча қийналдик.
- Осиё чемпиони бўлган жамоа учун ҳар бир ўйинда биттадан гол уриш кам эмасми? - Ҳақиқатан ҳам кам гол уряпмиз. Бу мени хавотирга солмоқда. Бизда ўйинларда гол уриш имкониятлари кам бўлмоқда. Ушбу камчилигимизни йўқотиш учун машғулот жараёнида кўпроқ ишлашга ҳаракат қиламиз.
- Биринчи бўлимдан сўнг ўйин тактикасини ўзгартириш қийин бўлмадими? - Ўзбекистон ҳужумда яхши ўйнади. Шунинг учун ўйин тактикасига ўзгартириш киритишга ҳаракат қилдик. Бўлмаса, бизга янада қийин бўлган бўларди.
- Кагаванинг бугунги ўйини ҳақида нима дея оласиз? - Ўйлайманки, Кагава ўйинда яхши ўйин кўрсатди. Бугун у ўзига берилган кўрсатмаларни бажарди.
- Жамоангиз КХДР ва Ўзбекистон билан ўйинларда иштирок этди. Нима деб ўйлайсиз, қайси жамоа кучлироқ? - Япония Корея билан ўз уйида ўйнаган бўлса, Ўзбекистон билан меҳмонда тўп сурди. Рақиблар билан ўйинлар турли жойларда бўлгани учун ҳозирча жамоаларнинг кучини таққослаш қийинроқ. Лекин Ўзбекистон чиройли ўйин намойиш қилиб, бизга анча муаммолар яратди.
Вадим Абрамов: Натижа ҳаққоний бўлди
Ўйиндан кейинги матбуот анжуманига ташриф буюрган Ўзбекистон терма жамоаси бош мураббийи Вадим Абрамов натижа адолатли бўлганини таъкидлади.
- Ўйин қизиқарли бўлди. Бир томондан натижадан қониқмадим. Иккинчидан эса вазиятларга қарайдиган бўлсак, натижа адолатдан бўлди. Гол уриш учун бизда ҳам, рақибларда ҳам имкониятлар етарли бўлди.
- Бизнингча ўйин қанотлар орқали ташкил қилинганда яхшироқ бўларди. Чунки, марказ орқали ҳужумларимиз унчалик муваффақиятли бўлмади.
- Ҳозирча бир нарса дейиш қийин. Гол қанот орқали ҳужумдан кейин киритилди. Бундай таркибни туширишдан мақсад тўпни кўпроқ ўзимизда ушлашни ният қилгандим. Қаерда хато қилганимизни ўйин видеоёзувини кўриб чиққанимдан кейин айтишим мумкин.
- Нима учун Максим Шацкихни бошланғич таркибда туширмадингиз. У балки кўпроқ фойда келтирган бўлармиди? - Балки сиз ҳақдирсиз...
- Нима учун бугун ёш ва тезкор жамоага қарши ўзимизнинг ёши ўтиб қолган футболчилар, масалан, Карпенко, Максим Шацких ўрнига Санжар Турсунов ва Баҳодир Насимовни туширсангиз бўлмасмиди?
- Футбочиларнинг имкониятларини мен яхши биламан. Уйда ўйнаётганимизда масъулият катта бўлади. Ёш футболчилар эса ишқибозлар олдида яхши ўйнаб кета олишмайди. Улар битта хато қилишгандан кейин ўзларини йўқотиб қўйишади. Такрорлайман, мен кўпроқ тўпни назорат қилиш учун тажрибали футболчиларни майдонга туширгандим. Тажрибали футболчилар хато қилишади, аммо бугун ёшларни туширганимда бошқача бўларди.
- Ўйиндан кейин кайфиятингиз қанақа? Нималарни ҳис қиляпсиз? - Ғалаба қозонишимиз мумкин бўлган вазиятда буни уддалай олмаганимиздан ҳафсалим пир бўлди. Масъулият катта. Реал олиб қараганда, Япония билан ўйин ҳам ёмон эмас. Лекин японларни ютиш учун яхши имконият пайдо бўлганди. Энди бу ишни жавоб ўйинида қилишга ҳаракат қилиб кўрамиз. Япониядаги ўйинда осонроқ бўлади, деб ўйлайман.
- Япония терма жамоасининг ҳужумлари юқоридан ташкиллаштирилганини инобатга олиб Анзур Исмоиловни эртароқ майдонга туширишнинг иложи йўқмиди? - Гол киритганимиздан кейин биз иккинчи рақам остида тўп суришимиз керак бўларди. Бундай пайтда эса Анзур тўпни кўпроқ назорат остида ушлаб тура олмасди. Биринчи тўпларни қайтаришда ҳам унда камчиликлар бор эди. Шу боисдан ҳам уни майдонга кечроқ туширгандик.
- Кейинги йиғинларда терма жамоа тўлиқ таркиб билан кўришимиз мумкинми? Кўп ҳолларда клубларнинг илтимосига кўра, футболчилар терма жамоага етиб кела олишмаяпти. - Бу вазиятга тушуниш билан ёндашиш керак. Масалан Насимов 2та ўйинда майдонга туша олмади. Россия биринчи лигасида ўйинлар бўляпти ҳозирги вақтда. Шунинг учун баъзан етакчи футболчиларимизни ортиқча безовта қилавермасдан, ёшларга ҳам ўйнаш имкониятини беришга ҳаракат қиламиз.
- Улуғбек Бақоевнинг ўрнига Санжар Турсунов тушиб, ҳужумдаги футболчиларимиз сони биттага қисқарганидан кейин ҳужумларимиздаги ўткирлик йўқолгандек бўлди. - Японлар чап қанотдан кўпроқ ҳужум уюштира бошлашгани учун ўзимизнинг ўнг қанотимизни кучайтириш мақсадида Санжар Турсуновни туширдик.
Kino ko'rsatmayabdimi?U holda Shu Yerga bosing va ishlamayotgan kinoning to'liq nomini yozib qoldiring.
Diqqat !
Serverdagi Nosozliklar Tufayli Ayrim Kinolar Faqat (Mozilla Firefox) Brauzerida Ko'rsatayabdi. Agar Sizda Mozilla Firefox Brauzeri Bo'lmasa Uni O'rnatib Oling.Agar Mozilla Firefoxda ham Kinolar Ko'rsatmasa Adobe Flash Playerni O'rnating.Marhamat Pastdagi Rasmlarga Bosgan Holda Ushbu Programmalarni O'rnating.
O'yin man kutgandanam zo'r bo'ldi Timur sal maxsulyatni unutgan oldingi uyindayam shunaqa edi Trenirga protiv sportchi uzi shunaqa bo'ladi nu vsyo ravno durang bugani yaxshi o'yin adolatli bo'ldi Bojaka sizga raxmat man sport.rudan ko'rdim bu o'yinni
Заказать фильм
html-cсылка на публикацию
