"МУҲАББАТНОМА” ХИТ БЎЛА ОЛАДИМИ?

Шохруҳхон айни дамда  "Муҳаббатнома” деб номланган қўшиғига клипмейкерлар Нозим Толипов ҳамда Наримон Султонхўжаев билан биргаликда клип суратга олишни мўлжаллаяпти. Қўшиқ матни Шохруҳхоннинг ўзига тегишли. Оранжировкаси эса хонанданинг доимий ҳамкори Жасур Бадалбоевники.  Кўрамиз, "Муҳаббатнома”  ҳам хонанданинг охирги қўшиқлари сингари "Ҳит” бўла олармикан. 
 

"САТО” МУСИҚАЛАРИ БУТУН ДУНЁНИ ЗАБТ ЭТИШГА КИРИШГАН!

Апрель ойида Испания , май ойининг 24-30 санасида Финландия "Бутунжаҳон меҳмон” фестивалида, 24-30 июньда Саудия Арабистонида ўтказилган "Ўзбекистон маданият ва мусиқа санъати” кунларида иштирок этиб қайтган  "Сато” гуруҳи яқинда яна бир бор Москва сафарига ҳам бориб келишга улгурди. Гастроллардан катта таассуротлар билан қайтган гуруҳ йигитлари уларни айниқса, Финландияликлар илиқ меҳр билан кутиб олишганини, сато чолғу асбобида чалинган мусиқага улар катта қизиқиш билдиришганини тўлқинланиб сўзлаб беришди. Ҳозирги кунда "Сато” гуруҳига бир нечта чет эл билан ҳамкорликда ишлаш таклифлари тушаётганлигига қарамай, улар мустақиллигимизнинг йигирма йиллигига, шунингдек, "Шарқ тароналари” февтивалига ҳам катта тайёргарлик кўриш билан банд бўлишяпти.  "Сато” гуруҳининг  бугунги эришаётган ютуқлари ва ижодида юз бераётган юксак ўзгаришларни кўриб тез кунда улар ўз миллий мусиқалари билан бутун дунёни забт этишса керак дея ўйлаяпмиз.

ПАРИЗОДАнинг РАҚСИ ОРҚАЛИ КИМНИ ИШОНТИРМОҚЧИ?

Ботир Қодиров яқинда куйлаган "Алдамадим” қўшиғига Туркиянинг Истанбул шаҳрида клип суратга олиб қайтди. Хонанда админстраторининг таъкидлашича, клип эфирга кетганидан сўнг кўпчилик ҳайратда қолса ажаб эмас. Жумладан, ўзимизнинг Ўзбекистонда суратга олинган "Ишон” қўшиғига ҳам тез кунда мухлисларга тақдим этилади. Дарвоқе,  "Ишон” номли қўшиқ рақсида Паризода эмиш.  Бундан кўринадики, Ботир Қодиров севгилисини ишонтириш учун Паризоднинг рақсидан фойдаланяпти шекилли?  Ёмон эмас, нима дедингиз?