Мана ҳақиқий «класико»!
Испания Суперкубогининг жавоб учрашувида Каталониянинг "Барселона” ва Мадриднинг "Реал” клублари ўртасида кечган кураш ниҳоясига етди. Унда мухлислар ҳақиқий "класико”га ҳос бўлган ўйинни томоша қилишга муваффақ бўлдилар.
Учрашувнинг сўнгги дақиқаларига қадар ғолиб номини аниқлашнинг имкон бўлмади. Фақатгина Лионель Мессининг даҳоларга ҳос ўйинигина охир-оқибат соврин Каталонияда қолишини таъминлаб берди.
Бироқ, тан олиш керак, ғалаба "Барселона” ўрганиб қолгани сингари қўлга киритилмади. Агарда ўтган учрашувлар билан солиштириб кўрадиган бўлсак, гўёки жамоалар ўрни алмашиб қолгандек тасаввур уйғонган бўлса ҳам ажаб эмас. Мадриднинг "Реал” клуби ўтган мавсумдаги илк "класико”да "Камп Ноу”дан жавобсиз бешта гол билан қайтиб кетишга мажбур бўлганди. Бугунги "Мадрид” эса анча улғайгани кўриниб турибди. Энди бу йигитлар бошқалардан "калтак еб юрадиган” болалар эмас. Керак бўлса ўзлари бошқаларни "калтаклаб” қўйишлари мумкин. Фақат бунинг учун яна бироз вақт керак бўлиши кўриниб турибди. Буни мадридликлар бугунги ўйинлари билан исботлаб бердилар.
Учрашув бошиданоқ мадридликлар ташаббусни ўз қўлларига олдилар. Бу ҳолат то Иньеста томонидан 13-дақиқада гол киритилгунга қадар сақланиб қолди. Гарчанд "Реал” бир неча бор имкониятга эга бўлган бўлса-да, учрашувда ҳисобни очиш "Барселона” футболчиларига насиб этди. Бу ўринда ҳам Лионель Мессининг бебаҳо тўп узатишини эътироф этмай ўзга иложимиз йўқ.
Шундан сўнг мадридликлар ҳисобни тенглаштириш учун олдинга ташландилар. 27-дақиқада бу ишнинг уддасидан ҳам чиқа олдилар. Бурчак тўпидан сўнг "Барселона” дарвозаси олдида юзага келган тушунмовчиликдан тўғри фойдаланган Карим Бензема тўпни ажойиб тарзда Криштиану Роналдуга етказиб берди. Аввалига Серхио Рамосга теккан тўп, кейинчалик португалиялик футболчининг оёғидан дарвоза тўрига йўл олди. Ҳисоб 1:1.
Аммо танаффусга қадар Лионель Месси ким аслида ким эканини исботлаб қўйди ва жамоасини 2:1 ҳисобида дам олишга чиқиб кетишини таъминлаб берди.
Иккинчи бўлимда эса, "Реал” яна олдинга ташланди ва ҳисобни тенглаштирди. Яна бурчак тўпидан сўнг, каталониялик футболчилар пала-партиш ҳаракат қилдилар. Бу сафар Карим Бенземанинг ўзи барчадан чаққонроқ чиқиб қолди ва ҳисобни тенглаштирди.
Учрашув якунланишига икки дақиқа қолганида эса, Лионель Месси навбатдаги марта катта саҳнага чиқди ва жамоасини Суперкубокда ғолиб бўлишини таъминлаб берди.
Тўғрисини айтганда, бу сафарги "класико" ҳақиқий томошабоп, мухлислар кўнглидагидек ўйин бўлди. Аммо уни номига ҳос тарзда намунали деб айтишга тил бормайди. Бунга сабаб яна футболчилар ўртасида вужудга келган жанжалдир. Учрашувга қўшиб берилган дақиқалар ўтиб бораётган бир вақтда, мадридликлар ҳимоячиси Марсело "Барселона"нинг янги аъзоси бўлмиш Сеск Фабрегасга нисбатан қўпол ўйин кўрсатди. Ҳакам дарҳол эътиборини шунга қаратди ва вазиятни тўғри баҳолаб, Марселога қизил карточка кўрсатган эди ҳамки, икки ўртада яхшигина жанжал бошланиб кетди. Ўша вазиятда қўполлик қилган Марселодан ташқари, аллақачон заҳирага чиқариб юборилган Месут Ўзил ва Давид Вильялар ҳам ҳакам томонидан қизил карточка билан сийландилар.
Ўйин томонлама эса, шуни айтиш мумкинки, гарчанд мағлубиятга учраган бўлсалар-да, "Реал" клуби мухлислари зинҳор ўкинмасликлари лозим. Сабаби, "Мадрид" томонидан намойиш этилган ўйин уларга бемалол келажакка дадил қарашларига имкон бера олади. Бундай ўйин билан узоққа борса бўлади, жуда ҳам узоққа...
Испания Суперкубоги
Жавоб учрашуви
Барселона – Реал Мадрид – 3:2 (2:1, 1:1)
Голлар: 1:0 – Иньеста (15), 1:1 – Роналду (20), 2:1 – Месси (45), 2:2 – Бензема (81), 3:2 – Месси (88).
БАРСЕЛОНА: Вальдес, Дани Алвес, Маскерано, Пике, Абидаль, Хави, Бускетс (С. Кейта, 85), Иньеста, Месси, Вилья (Адриано, 73), Педро (Фабрегас, 82).
РЕАЛ МАДРИД: Касильяс, Рамос, Карвалью, Пепе, Коэнтрау, Хедира (Марсело, 46), Алонсо, Озил (Кака, 78), Ди Мария (Игуаин, 64), Бензема, Роналду.
Огоҳлантириш: Хедира (28), Хави (42), Роналду (54), Маскерано (55), Марсело (56), Пепе (62), Рамос (76), Коэнтрау (85), Вальдес (90).
Четлатиш: Марсело (90), Озил (90), Вилья (90).
18 август. «Ноу Камп», 02.00.
Manba: uff.uz
 html-cсылка на публикацию |
|
| BB-cсылка на публикацию |
|
| Прямая ссылка на публикацию |
|
загрузка...
Kino ko'rsatmayabdimi?U holda Shu Yerga bosing va ishlamayotgan kinoning to'liq nomini yozib qoldiring.
Diqqat ! Serverdagi Nosozliklar Tufayli Ayrim Kinolar Faqat (Mozilla Firefox) Brauzerida Ko'rsatayabdi.
Agar Sizda Mozilla Firefox Brauzeri Bo'lmasa Uni O'rnatib Oling.Agar Mozilla Firefoxda ham Kinolar Ko'rsatmasa Adobe Flash Playerni O'rnating.Marhamat Pastdagi Rasmlarga Bosgan Holda Ushbu Programmalarni O'rnating.
 
 Техника для склада в Москве: Гидравлические тележки, Электронные весы,
Биокондиционеры!
Прикрепления: |
Заказать фильм
