Сўнгги пайтларда ижодида қандайдир оммалашув сезилмаётган Манзура ниҳоят, "Енгиламан” қўшиғи ва клипи билан мухлисларини хурсанд этганини биласиз. Ҳар галгидек, у клипга яхшигина аҳамият қаратган.
Яна янгича имидж, янгича кўринишлар. Бу борада Манзурани бошқа дугоналаридан анчагина олдинга чиқиб олган десак, адашмаймиз. Негаки, у антиқа имиджлари билан Райҳон ва Лолани ҳам ортда қолдираётганини сезиш қийин эмас. Манзурадаги пассив нуқта сифатида унинг концерт бермаётганлигини айтиш лозим. Агарда унинг мана шу жиҳати яхши йўлга қўйилса, у рейтинг-парадда доимо тенгма-тенг натижаларни кўрсатиши мумкин.