Икки карра жаҳон чемпиони Роналдо кутилганидек футболдаги фаолиятни якунлади. У бу ҳақида матбуот-анжуманида маълум қилди. 34 ёшли бразилиялик футболчининг сўнгги жамоаси "Коринтианс” бўлди. У футболни бундай эрта якунлашига сабаб, маҳаллий муҳлисларнинг унга ўтказаётган босими бўлди. Эслатиб ўтамиз, "Коринтианс” Либертадорес Кубогини тарк этганидан сўнг жамоа муҳлислари ғазабдан ўзларини қўярга жой топа олмай, клуб футболчиларига таҳдид сола бошлашди. Клубни датлаб Роберто Карлос тарк этганди, энди эса феномен ҳам бразилия клубини тарк этмоқда.

"Бошқа футбол ўйнашда давом эта олмаслигимни тушуниб етдим. Сўзсиз, бу қарорга келиш осон бўлмади. Мен янада кўпроқ футбол ўйнашни истардим, аммо ёшим бир жойга бориб қолди. Аввалгидек ҳаракат қила олмай қолдим. Танам буйруқларимни тўлақонли бажармаяпти. Тўпга ҳар бир тегишимда оғриқ сезмоқдаман. Тугатишнинг вақти келди”.

"Келажагим ҳақида бир нарса дея олмайман. Мен футболда кўп умримни ўтказдим ва кетишни истамаяпман. Бир қарорга келаганим йўқ. Бироз вақт ўтгач барчаси ойдинлашади”, - деди Роналдо.