So`nggi paytlarda muttasil ijod qilishga bel bog`lagan Farruh Komilov negadir bir maromlilikdan chiqib keta olmayapti. To`g`ri, yangi qo`shiqlarini tez-tez havola etyapti, ammo negadir ijodiy yuksalishni kuzatmayapmiz. Uning o`zi va otasi Ravshan Komilovga aynan shu savol bilan murojaat qilganimizda esa ular "Yaxshi ot keyin chopadi” qabilida gapirishdi. Mayli, xulosani esa faqat tomoshabin beradi. Biz esa hozircha uning yangi qo`shig`i haqida xabar bermoqchimiz. Farruh shu kunlarda "Aylandi" nomli yangi qo`shig`ini muxlislariga havola etish taraddudida. Eng qizig`i bu qo`shiqda kichik Komilov samarqandlik qizga sevgi izhor qilgan. Raqsbopligi bilan ajralib turadigan qo`shiqni hademay tinglaysiz. Klipini ham tez orada tomosha qilasiz. Nahotki, unda ham samarqandlik qiz suratga tushgan. Bunga Farruhning turmush o`rtogi qanday qarar ekan? Juda qiziq…