"Танқид келажак меваси” дея бекорга айтилмаган-да. Мана, ўзининг "Сокин тун” қўшиғига ишланган клипи билан кўпчилик мухлисларнинг танқидига учраганидан сўнг ниҳоят Алишер Рўзметов  ижодий репертуарини яна бир нечта миллий қўшиқлар билан бойитди. Айни дамда хонанданинг замонавий йўналишда куйланган "Майли майли” қўшиғи тайёр бўлиб,  ушбу қўшиқнинг премьераси сентябрь ойида бўлиб ўтадиган бўлди. Унинг ёши улуғ тингловчиларга бағишланган ўзбек миллий йўналишдаги  "Шайдо айладинг” қўшиғи эса Мусахон Нурматов мусиқаси билан куйланган бўлиб,  матни Назирийга тегишли. Шунингдек, Ватан тўғрисида ҳам ажойиб бир таронани мухлисларига туҳфа этмоқчи бўлаётган Алишер Рўзметов Ватанини қай даражада севишини айнан мана шу янги қўшиғи орқали исботламоқчи.  Аёвсиз отилган танқид тошлари хонанда ижодида ижобий силжишга сабаб бўлибди. Аммо, танқидга-да арзирли ижод қилиш ҳам бир маҳорат аслида, тўғрими?

***

Айни кунларда "Марказ” телеканали орқали "Дуррача” қўшиғи тинмай айланаётган хонанда Ҳилола Ҳамидова энди "Аразчи” дея куйлади. Қўшиққа Мирмаҳсун Оҳунов, Рустам Нодиров билан ҳамкорликда клип суратга олиш ишлари бошланган.  Қўшиқ шеъри Рислиғой Ҳотамовага тегишли. Мусиқаси Фурқат Қурбоновники.  Хонанданинг айтишича, ҳозир клипга мос қаҳрамон топиш муаммо бўлиб турибди. Агар иложи бўлса, қаҳрамоннинг (типаж) қиёфаси комик бўлиши шарт. Ёки клипимиз қаҳрамони бирор бир санъаткор бўлса ҳам ёмон бўлмас эди дейди хонанда. Хонанда ижодига доир асосий янгиликлардан бири шуки, агар репертуаридаги қўшиқлари тайёр бўлиб қолса, шу йилнинг охирида ўзининг яккахон концерт дастурини уюштириши ҳам мумкин экан.

***

Шаҳруза янги истеъдодлардан. У ижод остонасида бир-икки клиплар билан танилди-ю, кейин бир муддат йўқолиб қолди. Бу танаффусни хонанда Туркияда мусиқий соҳада таҳсил олиб, билим базасини мустаҳкамлаб қайтгани билан изоҳлайди. Шаҳрузанинг айтишича, уни кўча-куйда кўрганлар эстрдамизнинг мафтункор чеҳраси Райҳон билан қиёслашади. "Райҳонмисиз?” дея мурожаат қилганлар ҳам бўлган. Бу бир томондан ёқимли бўлса, иккинчи томондан ҳар бир инсон ўзига ўхшаши керак, деган хулосаси бор Шаҳрузанинг. Шу боисдан ҳам, хонанда имиджини бутунлай ўзгартиришга қарор қилди. Янги таронасини ҳам айнан ўз исми билан номлади. "Шаҳруза”га ишланган клипни яқин кунларда ТВда томоша қиласиз.

html-cсылка на публикацию
BB-cсылка на публикацию
Прямая ссылка на публикацию